Morning sickness ng nanay, nagdudulot umano ng mataas na IQ sa bata

Kadalasang nararanasan ng mga babae ang morning sickness kapag sila ay nabubuntis. Ito ay nararanasan tuwing unang trimester o ang tatlong buwan ng kanilang paglilihi.

Ang pagkakaroon morning sickness ay kadalasang pinaniniwalaang signos na ang babae ay buntis na at kadalasang tumatagal hanggang 14-16 na linggo ayon sa mga eksperto.

May mga kaso rin ng pagpapatuloy ng morning sickness sa loob ng siyam na buwang pagdadalang tao. Maraming nanay ang nag-aalala na may masamang dulot ito sa kanilang dinadala. Karamihan kasi ay may paniniwala na kapag nakakaranas nito ay nababawasan ang nakukuhang nutrisyon ng sanggol sa tiyan.

Credit Image: https://www.drkirstenconnan.com/blog/morning-or-all-day-sickness-pregnancy-nausea-and-vomiting

May mga kaakibat na sintomas ito tulad ng pagsusuka, pagkahilo, pagkahingal, sobrang pagkapagod, laging inaantok at pakiramdam na may sakit. Bukod sa tawag dito, ito ay umaatake hindi lamang sa umaga dahil kahit anong oras ay maaari itong tumama.

Ayon sa pag-aaral ng mga researchers sa Hospital for Sick Children sa Toronto, Canada, ang morning sickness ng isang ina umano ay nagdudulot ng mataas na intellectual quotient (IQ) sa batang sinapupunan nito.

"Research has shown that women who suffer morning sickness during pregnancy may be more likely to have a child with a high IQ. This knowledge could potentially make it slightly more bearable when you’re leaning over the toilet bowl," ayon sa blog ni Hana Ames.

Ayon pa umano sa mga researchers ng Canada, karamihan sa mga buntis na kanilang naobserbahan na may morning sickness ay may kakayahang labanan ang mataas na lebel ng hormones na nilalabas ng kanilang katawan.

Ang pagkakaroon rin umano ng morning sickness ay nagpapababa ng tiyansang magkaroon ng miscarriage at mga komplikasyon sa pagbubuntis.

"As horrible as it can be, morning sickness is really a good sign for pregnancy. It means that hormone levels are high enough to sustain the pregnancy," dagdag pa nito.

Pinakita din ng mga researchers ang kanilang ginawang pag-aaral sa pamamagitan ng pag-obserba ng siyamnapu't dalawang (92) Canadian na buntis kung saan may dalawampu't siyam (29) ang hindi nakaranas ng morning sickness.

Nagkaroon sila ng long-term neurodevelopment (the development of things like intelligence, behavior, memory, and attention) sa mga batang ipinanganak at lumabas na ang karamihan sa mga anak ng mga nanay na nakaranas ng morning sickness ang nanguna sa kanilang mga tests.

"Researchers claim that pregnancy sickness has an enhancing effect on later child outcome."

"Children who had their mothers suffered morning sickness during pregnancy resulted higher IQs. They scored higher on memory and language skill tests. That’s not to say that if you don’t have morning sickness your child will be less intelligent. All of the children in the study scored within the normal range of IQs," ayon sa pag-aaral.

Ngunit nilinaw rin ng mga researchers na dumedepende pa rin ito sa lala ng morning sickness.

Ang Hyperemesis Gravidarum ay isang uri ng malalang morning sickness na delikado na para sa buhay ng ina at sanggol. Ang sintomas nito ay walang patid na pagsusuka na hindi na nadadala sa gamot. Nagdudulot rin ito ng malalang kondisyon sa ina tulad ng muscle weakness, severe fatigue, at dehydration.

"The frequency is greater than the typical morning sickness. It can be dangerous because the unrelenting vomiting can cause both the mother and baby to lack the necessary nutrients they need to survive."

Nagpaalala naman ang mga researchers na maigi pa ring kumunsulta sa doktor kapag nakakaranas ng mga sintomas na nabanggit upang maagapan ito.

Hanggang ngayon, ang root cause ng morning sickness ay hindi pa rin umano nabibigyan ng paliwanag ng mga doktor ngunit ayon sa kanilang obserbasyon ay may kinalaman ito sa hormonal level ng katawan ng nagdadalang tao. Ang mga hormones ding ito ang pumuprotekta sa katawan laban sa mga komplikasyon ng pagbubuntis base sa kanilang teorya. Ngunit, wala pa talaga umanong lunas para rito.

(Courtesy: Hana Ames blog)